कार्यशाळेतील विषय

🗓️दिनांक: 30 सप्टेंबर ते 03 ऑक्टोबर, 2025 | 🕗वेळ: रात्री 7.30 ते 8.30
🎥ऑनलाईन वर्ग: Zoom द्वारे

सेकंड इनिंग अर्थात कार्यक्षम जीवनाचा दुसरा टप्पा...... साधारणपणे वयाच्या विशी पंचविशीमध्ये जीवनाचा आणि करिअरचा पहिला टप्पा - पहिली इनिंग सुरू होते. शिक्षणानंतर मिळेल ती नोकरी पकडणे, किंवा जमेल तो व्यवसाय, कामधंदा करणे हा जीवनाचा पहिला टप्पा असतो. शिक्षण संपून स्थिर जीवनाकडे जाण्यासाठी हा टप्पा अतिशय महत्त्वाचा असतो. नोकरी आणि मग छोकरी... अर्थात विवाह होतो आणि संसाराला - प्रपंचाला सुरुवात होते. आपल्या इच्छेनुसार आपल्या आवडीच्या क्षेत्रात किंवा मग आपल्या शिक्षणानुसार आणि मिळणाऱ्या संधीनुसार नोकरी स्वीकारून करिअरची सुरुवात होते. साधारण पुढची पंचवीस तीस वर्षे ही पहिली इनिंग सुरू राहते. या दरम्यान मुले होतात, घर होते, गाडी येते. जीवनाच्या किमान अपेक्षा पूर्ण होतात. मुलांचे शिक्षणही पूर्ण होते. जबाबदाऱ्या पूर्णत्वाकडे जात असतात. अशा वेळी अनेकदा नोकरीच्या ठिकाणी तसेच एकंदर जीवनात तोच तोच पणा येतो. रोज उठून तोच तो जॉब, तीच माणसे, तेच काम, तेच जीवन.... अशावेळी काहीतरी बदल घडावा असे वाटू लागते. दुसरी काहीतरी करावे असे वाटू लागते. काहीतरी नवीन शिकावे, काहीतरी वेगळे कौशल्य मिळवावे आणि आपल्या जीवनात, कामात बदल घडावा असे प्रकर्षाने वाटू लागते. मात्र याच वेळी आर्थिक गरजा असतातच. कौटुंबिक जबाबदाऱ्याही असतात. त्यामुळे उत्पन्नाचा स्त्रोत सुरू राहणे, हेही आवश्यक असते. मिळकत थोडी कमी झाली तरी चालेल, पण जीवनात काहीतरी बदल घडावा, नवे काहीतरी घडावे असे वाटू लागते. याचवेळी सुरू होते सेकंड इनिंग...! साधारणपणे पंचेचाळीस - पन्नाशीच्या वयात सेकंड इनिंगचा विचार आपल्या मनात प्रकर्षाने घोळू लागतो. अशावेळी नक्की काय करायला हवे? सेकंड इनिंग कधी सुरू करावी, सेकंड इनिंगचे फायदे तोटे? सेकंड इनिंग सुरू करताना कोणती काळजी घ्यावी? अशा महत्त्वपूर्ण विषयांवर मार्गदर्शन आणि चर्चा असे या कार्यशाळेचे स्वरूप आहे.

👉कार्यशाळेतील विषय:
✅रिटायरमेंट म्हणजे नक्की काय ? निवृत्ती कधी सुरू होते ? निवृत्तीनंतरचे जीवन कसे असते ? त्यावेळी कोणत्या महत्त्वाच्या जबाबदाऱ्या असतात ?
✅ करिअर, घर, वाहन, विवाह, मौजमजा यांचा विचार करायचा का म्हातारपणाचा निवृत्तीचा ?
✅ रिटायरमेंट प्लॅनिंगची गरज का आहे ?
✅ रिटायरमेंट प्लॅनिंग आणि संपत्ती नियोजन
✅ रिटायरमेंट प्लॅनिंगमधले टप्पे
✅ रिटायरमेंट प्लॅनिंगचे मार्ग
✅ केंद्र सरकारची प्रत्येकासाठी पेन्शन योजना 
✅ वैयक्तिक रिटायरमेंट प्लॅनिंगचा आराखडा कसा तयार करायचा ?
✅ अंमलबजावणी करताना येणारे अडथळे 
✅ प्रॉपर्टी प्लॅनिंग म्हणजे काय? 
✅ प्रॉपर्टी चे विविध प्रकार चला आणि अचल संपत्ती 
✅ वारसा कायदा म्हणजे काय? 
✅ मृत्युपत्र व्याख्या आणि रचना 
✅ सेकंड इनिंग कडून थर्ड इनिंगकडे अर्थात रिटायरमेंट प्लॅनिंग कडे
✅ मृत्युपत्र व्याख्या आणि रचना 
✅ मृत्युपत्रासंबंधी घ्यायची काळजी 
✅ मृत्युपत्र कसे तयार करायचे?