लिहिण्याची, व्यक्त होण्याची उर्मी असतेच आपल्यात... प्रत्येकाच्या दैनंदिन जीवनात सांगण्यासारख्या, व्यक्त होण्यासारख्या अनेक गोष्टी असतात. सध्या सोशल मीडियाच्या माध्यमातून या व्यक्त होण्याला मुक्त व्यासपीठदेखील मिळालेले आहे. अशाच लेखनातून पुढे आपण अधिक दर्जेदार ललित साहित्य लिहावं, आपल्या लेखनाला एक साहित्यिक उंची प्राप्त व्हावी असे वाटते. मात्र त्याचे रीतसर प्रशिक्षण उपलब्ध नसते. आपल्याला जे व्यक्त व्हायचे आहे ते साहित्याच्या कोणत्या प्रकारात येतं? मुळात साहित्य म्हणजे काय? ललित म्हणजे काय? आपल्याला जे लिहावसं वाटतं त्याचा नक्की प्रकार कोणता? आपल्या लेखनाची शैली कोणती? आपण अधिक चांगल्या प्रकारे लिहिण्यासाठी कोणता सराव, अभ्यास करायला हवा याची उत्तरे शोधण्याची कोणतीही व्यवस्था आपल्याकडे नाही. त्यामुळेच ही त्रुटी दूर करणारी ललित लेखन या विषयावरील कार्यशाळा विश्व मराठी परिषदेने आयोजित केलेली आहे.