अभिजात दर्जा लाभलेल्या आपल्या मराठी भाषेतील उत्तमोत्तम कविता हा प्रत्येक मराठी माणसाच्या अभिमानाचा विषय. एखादी गोष्ट सांगायला 10 गद्य वाक्ये खर्ची घालावी लागत असतील तर तीच गोष्ट कवितेच्या चार ओळीत अधिक समर्थपणे, कलात्मकतेने मांडता येते.मात्र, अलीकडे अभिजात किंवा अचूक मराठी बोलणाऱ्यांची आणि कळणाऱ्यांची संख्या घटू लागल्यामुळे अलंकारिक मराठी कवितांच्या वाट्याला फारसे कोणी जात नाहीत. पण त्या कवितांचा रसास्वाद जर आपण घेऊ शकलो तर आपली भाषा आणि एकूण जगणेच समृद्ध होत जाते. म्हणूनच या अभिजात मराठी कवितांचा अर्थ, आशय, अलंकार उलगडवून साहित्यिक आस्वाद कसा घ्यावा हे समजवून सांगणारी ‘कविता रसास्वाद’ अशी ऑनलाइन कार्यशाळा विश्व मराठी परिषदेने आयोजित केली आहे.