श्री गजानन महाराजांचे भक्त आणि विशेषतः महिला भगिनी यांना श्री गजानन विजय या ग्रंथाचे आणि श्री गजानन महाराजांच्या चरित्राचे अंतरंग जाणून घेण्याची संधी....

श्री दासगणू महाराज विरचित 'श्री गजानन विजय' या महाकाव्यरूपी प्रासादिक ग्रंथाची अवघ्या जगाला ओळख आहे. शेगावच्या श्री गजानन महाराजांचे जीवन चरित्र आणि अद्भुत लीला वर्णन करणाऱ्या या दैवी ग्रंथाची लाखो लोकांनी पारायण केली आहेत. आणि करीत आहेत. श्री गजानन महाराजांच्या कृपेच्या ही अनुभूती हजारो लोकांना प्राप्त झाल्या असून त्यातून त्यांचे जीवन उजळले आहे. समृद्ध झालेले आहे. आपण सर्वजण अत्यंत श्रद्धेने श्री गजानन विजय ग्रंथाचे पारायण करतो. जर ग्रंथ समजावून घेऊन, त्यातील विषय समजावून घेऊन, त्यातील सूत्र समजावून घेऊन त्यावर चिंतन,मनन आणि अध्ययन करीत जर पारायण केले तर पारायणाची फलश्रुती शतपटीने प्राप्त होते, तीव्र गतीने प्राप्त होते आणि त्याची प्रत्यक्ष अनुभूती प्राप्त करता येते. तसेच आपल्याला शांती, समाधान, संतोष प्राप्त होतो. या विचाराने विश्व मंदिर परिषदेने 'श्री गजानन विजय - एक चिंतन' या ऑनलाइन अभ्यासवर्गाचे आयोजन केले आहे. या अभ्यासक्रमातून श्री गजानन विजय ग्रंथाचे अंतरंग उलगडून दाखवण्याचा प्रयत्न केला जाणार आहे.

श्री गजानन विजय ग्रंथात मंगलाचरणाच्या ओव्यांमधून श्री दासगणू महाराजांनी श्री गणेश, आदीमाया सरस्वती, पुराणपुरुष पंढरीनाथ, त्र्यंबकेश्वर भवानीवर, कुलदेवता कोल्हापूरवासीनी जगदंबा, भगवान श्री गुरू दत्तात्रेय या देवतांना वंदन केले आहे. यानंतर महर्षी शांडिल्य, वसिष्ठ, गौतम, पराशर, अशा ऋषीपरंपरेला वंदन केले आहे. ऋषी परंपरेनंतर संत परंपरेतील वारकरी संप्रदायाचा 'पाया' रचणारे ज्ञानेश्वर यांच्या गुरू परंपरेचा गहिनीनाथ, निवृत्तीनाथ यांचा उल्लेख करून वारकरी संप्रदायाचा कळस असलेले जगद्‌गुरू तुकारामबोवांचा उल्लेख केला आहे. त्याचबरोबर समर्थ रामदास, शिर्डीचे साईबाबा, वामनशास्त्री या सर्व संत सज्जनांना नमन केले आहे. श्री गजानन महाराज हे अत्यंत उच्च कोटीचे संत होते आणि साक्षात ईश्वरी अवतार होते. संत म्हणजे सत्वगुणाचा परमोत्कर्ष आपल्या व्यक्तीत्वात साधून तो सत्वगुण अखिल ब्रम्हांडात विस्तारीत करून लोकयात्रेचा प्रवाह शुद्ध करण्यासाठी जीवन अर्पण करणारी व्रतस्थ व्यक्ती, अशी संत या शब्दाची व्याख्या करता येईल.

चिंतनवर्गातील विषय

1) श्री गजानन महाराज चरित्राची ओळख

2) श्री दास गणू महाराज विरचित गजानन विजय ग्रंथ

3) ग्रंथ महात्म्य आणि महत्व

4) ग्रंथातील विविध विषय

5) ऋषी परंपरा, आचार्य परंपरा, संत परंपरा

6) वेद, उपनिषदे, ब्राह्मण ग्रंथ, आरण्यक ग्रंथ

7) भगवद्गीता, पौराणिक व्यक्ती, पुराण ग्रंथ, महाकाव्ये इ.

8) देवी देवता वर्णन, ऋतू वर्णन, लोक जीवन आख्यान, इ.

9) रामायण, महाभारत, महाकाव्ये, दैवी - असुरी संपदा वर्णन

10) संत म्हणजे काय? संतत्वाची व्याख्या

11) श्री गजानन महाराजांचे योग सामर्थ्य

12) श्री गजानन महाराजांचे लीला सहचर

13) साधकांसाठी मार्गदर्शन तत्त्वे

14) भक्तांसाठी साधना विकसित करण्यासाठीचे मार्ग

मार्गदर्शक

डॉ. उदय कुमठेकर

संत महात्म्यांचे गाढे अभ्यासक आणि प्रख्यात लेखक

ऑनलाईन सत्र

कार्यशाळेची वैशिष्ट्ये

लाईव्ह मार्गदर्शन

अत्यंत अनुभवी व नामवंत व्यक्तींकडून प्रत्यक्ष शिकण्याची, शंका समाधान करून घेण्याची अपूर्व संधी

सुसंस्कारित अभ्यासक्रम

तज्ज्ञ मार्गदर्शकांनी तयार केलेला अभ्यासक्रम

कम्युनिटी व नेटवर्किंग

एकसमान क्षेत्रात कार्य करणाऱ्या जगभरातील व्यक्तींशी कायमस्वरूपी संवाद व संपर्क

तज्ज्ञ मार्गदर्शक

आपापल्या क्षेत्रातील तज्ज्ञ, अनुभवी व नामवंत मार्गदर्शक

मार्गदर्शन व प्रश्नोत्तरे

मार्गदर्शन, प्रश्नोत्तरे आणि शंका समाधान

ई - प्रमाणपत्र

कार्यशाळेत सहभागी प्रत्येक व्यक्तीला ई प्रमाणपत्र

You may also be interested in