कार्यशाळेतील विषय

असे अनेक नवोदित लेखक, कवी आहेत,ज्यांना आपले एक तरी पुस्तक प्रकाशित व्हावे असं मनापासून वाटतं असतं. पण त्यांना योग्य ते मार्गदर्शन मिळत नाही किंवा मार्गदर्शन मिळाले तरी पुस्तक प्रकाशनासाठी लागणारा संभावित खर्च व वेळ सहन करण्याची त्यांची तयारी नसते. अशा लेखक,कवी यांचे पब्लिशड् रायटर बनण्याचे स्वप्न अपूर्ण राहू नये यासाठी ॲमेझॉन किंडल या प्लॅटफॉर्मवर ई-बूक प्रकाशित करण्याचे प्रशिक्षण त्यांना या कार्यशाळेतून मिळणार आहे. स्वतःच्या पुस्तकाचे स्वतःच ईबुक स्वरूपात निर्मिती व प्रकाशन कसे करायचे व त्यातून रॉयल्टी द्वारे आर्थिक उत्पन्न कसे मिळवायचे हे अगदी बेसिकपासून शिकता येणार आहे. या कार्यशाळेत ई-बुक तयार करण्याच्या प्रक्रियेचे सर्व टप्पे, नियोजन, कव्हर डिझाइन लेआऊट, प्रकाशन आणि विपणनापर्यंत सर्व मार्गदर्शन मिळणार आहे. लेखक, कवी, फ्रीलान्स काम करणाऱ्या व्यक्ती, उद्योजक, डिजिटल प्रकाशनात रस असलेल्या सर्वांसाठी ही कार्यशाळा अत्यंत उपयुक्त आहे.