तुम्ही उत्तम वाचक आहात? वाचलेल्या पुस्तकाबद्दल मनात खूप काही साठलेलं असतं, पण ते शब्दांत कसं उतरवावं हे सुचत नाहीये का? मग विश्व मराठी परिषद आयोजित ही ऑनलाईन कार्यशाळा खास तुमच्यासाठी आहे!

शब्दांना देऊया अनुभूतीची जोड... आपल्याला आवडलेल्या पुस्तकाविषयी खूप बोलायला आवडतं... पण ते प्रभावीपणे 'लिहिणं' हे एक शास्त्र आणि कला आहे. कधी आपल्याला केवळ पुस्तकाची ओळख करून द्यायची असते, तर कधी त्याचा सखोल आस्वाद मांडायचा असतो. सोशल मीडिया - समाजमाध्यमांच्या युगात तर प्रत्येक वाचकाला एक हक्काचं व्यासपीठ उपलब्ध आहे. पण हे लेखन वाचनीय, तर्कसुसंगत आणि परिणामकारक कसं असावं?

'वाचक', परीक्षक ते 'समीक्षक' या प्रवासातील नेमके टप्पे समजून घेण्यासाठी ही कार्यशाळा एक सुवर्णसंधी आहे. आपल्या वाचनाला लेखनाची जोड देऊन, तुमच्यातील लेखकाला दिशा देण्यासाठी आमचा हा छोटासा प्रयत्न! या कार्यशाळेत आपण काही तंत्र आणि काही मंत्र समजून घेऊ... म्हणजे पुस्तकांवर लिहिणे होईल अधिक आत्मविश्वासपूर्ण...अधिक समाधानकारक आणि अधिक आनंददायी ..!