कार्यशाळेतील विषय

योग ही आपल्या भारतीय प्राचीन ज्ञान परंपरेचाच एक अमूल्य ठेवा आहे. पतंजलिंसारख्या महामुनिंनी आपल्याला जीवन जगण्याची कला या अष्टांगयोगाद्वारे शिकवली आहे. पातंजल योगसूत्र, हठयोगातील काही ग्रंथ तसेच काही योगोपनिषदात अष्टांग योगाचा उल्लेख आढळतो. यम, नियम, आसन, प्राणायाम, प्रत्याहार, धारणा, ध्यान व समाधि ही योगाची आठ अंगे आहेत. यांतील प्रत्येक अंग हे जीवन जगणे सुसह्य व परिपूर्ण करून जीवनाचे अंतिम ध्येय गाठण्यासाठी मदतनीस आहे. योग म्हणजे फक्त आसन किंवा प्राणायाम ही एक फार मोठी अवधारणा आज जनमानसात पसरली आहे. परंतु आधुनिक जीवनशैलीमध्ये या आठही अंगांच्या दृष्टीने साधना करणे आवश्यक आहे.  हे प्राचीन शास्त्रांतील ज्ञान हजारो वर्षे तसेच टिकून राहण्यामागे एकच कारण आहे की, ते  ज्ञान आधूनिक जीवनशैलीलाही तसेच्या तसे लागू पडते. संतोषादि नियम, अहिंसादि यम यांच्या अभावी जीवन आजही दयनिय व त्रासदायी होईल म्हणून आपले दैनंदिन जीवन सुखकर होण्यासाठी अष्टांग योगाचा अभ्यास व आचरण करणे आवश्यक आहे.

📍 कार्यशाळेचे उद्दिष्ट :  अष्टांगयोग या प्राचीन ज्ञानाची आधुनिक जीवनाशी सांगड घालणे हे आहे. सर्व वयोगटातील व कार्यक्षेत्रातील लोकांनी आरोग्य, कार्यक्षमता वाढविण्यासाठी तसेच व्यक्तिमत्त्व विकासित करण्यासाठी या कार्यशाळेत प्रवेश घ्यावा.